અમદાવાદમાં મહિલા પોલીસ કોન્સ્ટેબલ સાથે 17 લાખની છેતરપિંડી, લગ્નની લાલચ આપી શારીરિક શોષણનો આક્ષેપ

<p style="text-align: justify;"><strong>Ahmedabad News:</strong> અમદાવાદમાં એક ચોંકાવનારો કિસ્સો સામે આવ્યો છે, જ્યાં શહેર પોલીસમાં ફરજ બજાવતી 36 વર્ષીય મહિલા કોન્સ્ટેબલ સાથે શેરબજારમાં રોકાણના નામે ઊંચા વળતરની લાલચ આપી આશરે 17 લાખની કથિત છેતરપિંડી આચરવામાં આવી છે. આરોપી પોતે પરિણીત હોવા છતાં મહિલાને લગ્નનું વચન આપીને તેમની સાથે શારીરિક સંબંધ બાંધી વિશ્વાસઘાત કર્યો હોવાનો ગંભીર આક્ષેપ પણ કરવામાં આવ્યો છે. આ મામલે ગોમતીપુર પોલીસે ગુનો નોંધીને વધુ તપાસ હાથ ધરી છે.</p> <p style="text-align: justify;"> </p> <p><iframe title="Israel Iran War LIVE | Sthanik Swaraj Election | Gujarat Politics | Breaking News | ABP Asmita LIVE" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p style="text-align: justify;"><strong>શેરબજારમાં રોકાણના નામે લાખો રૂપિયા પડાવ્યા</strong><br />ફરિયાદી મહિલા જુલાઈ 2020માં અમદાવાદ શહેર પોલીસમાં સશસ્ત્ર મહિલા કોન્સ્ટેબલ તરીકે જોડાઈ હતી. એપ્રિલ 2024માં મેટ્રો સ્ટેશન પર એક એસઆરપી જવાન મારફતે તેમની મુલાકાત માજિદ ખાન સિકંદર ખાન ચૌહાણ સાથે થઈ હતી. માજિદે એનજીઓ ચલાવતો હોવાની અને શેરબજારમાં ટ્રેડિંગ કરતો હોવાની ઓળખ આપી હતી. મહિલા પોતાના માટે ઘર ખરીદવાનું આયોજન કરી રહી હોવાથી, રોકાણની લાલચમાં આવીને તેણે માજિદની સૂચનાથી ટ્રેડિંગ એપ ડાઉનલોડ કરી ખાતું ખોલાવ્યું હતું.</p> <p style="text-align: justify;"><a title="આ પણ વાંચો...Bharuch: દીકરીઓનો અંગ્રેજીનો ડર દૂર કરવા આ મહિલા શિક્ષકે કર્યો અનોખો પ્રયોગો, હવે મળશે ગુજરાતના શ્રેષ્ઠ શિક્ષકનો એવોર્ડ" href="https://ift.tt/7ijE9sO" target="_self">આ પણ વાંચો...Bharuch: દીકરીઓનો અંગ્રેજીનો ડર દૂર કરવા આ મહિલા શિક્ષકે કર્યો અનોખો પ્રયોગો, હવે મળશે ગુજરાતના શ્રેષ્ઠ શિક્ષકનો એવોર્ડ</a></p> <p style="text-align: justify;">જાન્યુઆરીથી ઓગસ્ટ 2024 દરમિયાન મહિલાએ ₹6.35 લાખનું રોકાણ કર્યું હતું. માજિદ પર વિશ્વાસ રાખીને મહિલાએ ક્રેડિટ કાર્ડ, પર્સનલ લોન અને બેન્ક ખાતામાંથી નાણાં ઉપાડીને તબક્કાવાર કુલ ₹17 લાખ આપ્યા હતા. જેમાં 29 જાન્યુઆરી 2026ના રોજ વૈષ્ણોદેવી સર્કલ પાસે ₹7.5 લાખ રોકડા પણ આપવામાં આવ્યા હતા.</p> <p style="text-align: justify;"><strong>લગ્નની લાલચ, ધર્મપરિવર્તનનું દબાણ અને બળાત્કારનો આક્ષેપ</strong><br />માજિદે મહિલાને વિદેશ પ્રવાસ અને લગ્ન કરવાની વાતો કરીને વિશ્વાસ કેળવ્યો હતો. તેણે મહિલાને નોકરી છોડી પોતાની સાથે આવવા સમજાવવાનો પ્રયાસ કર્યો હતો અને ઇસ્લામ ધર્મ અપનાવવા માટે દબાણ પણ કર્યું હતું. લગ્નના વચનના આધારે સંમતિ મેળવીને તેણે મહિલા સાથે શારીરિક સંબંધ બાંધ્યા હતા. જ્યારે મહિલાએ નોકરી છોડવાની ના પાડી, ત્યારે ગુસ્સે થઈને માજિદે મહિલાને ગાળો આપી, તેનો મોબાઈલ ફોન છીનવી ડેટા ડિલીટ કરી નાખ્યો અને ફોન તોડી નાખ્યો હતો.</p> <p style="text-align: justify;"><strong>પરિણીત હોવાનો ખુલાસો થતાં પોલીસનો સંપર્ક કર્યો</strong><br />માજિદે દિલ્હીથી પરત આવી લગ્ન કરવાની ખાતરી આપી હતી. દરમિયાન મહિલા પાટણ જિલ્લાના માજિદના વતનના ગામે પહોંચી તેના માતા-પિતાને મળી ત્યારે તેને જાણવા મળ્યું કે માજિદ અગાઉથી જ પરિણીત છે, તેની પત્નીનું નામ ઝારા છે અને તેને એક પુત્ર પણ છે.</p> <p style="text-align: justify;">પોતે છેતરાઈ હોવાનો અને આરોપી પરિણીત હોવાનો ખુલાસો થતાં મહિલા કોન્સ્ટેબલે પોલીસનો સંપર્ક કર્યો હતો. આ ઘટના અંગે ગોમતીપુર પોલીસે માજિદ ખાન સામે છેતરપિંડી, બળાત્કાર સહિતની વિવિધ કલમો હેઠળ ગુનો નોંધી આગળની કાયદેસરની કાર્યવાહી શરૂ કરી છે.</p>