બનાસકાંઠા કોંગ્રેસમાં મોટો ભડકો: અમિત ચાવડાએ કારોબારી રદ કરતાં ગુલાબસિંહ ભડક્યા

<p><strong>Banaskantha Congress feud:</strong> બનાસકાંઠા જિલ્લા કોંગ્રેસમાં છેલ્લા કેટલાક સમયથી ચાલી આવતો આંતરિક વિખવાદ હવે સપાટી પર આવી ગયો છે. જિલ્લા પ્રમુખ ગુલાબસિંહ રાજપૂત અને ગુજરાત પ્રદેશ કોંગ્રેસ સમિતિના પ્રમુખ અમિત ચાવડા વચ્ચેનો ગજગ્રાહ હવે સોશિયલ મીડિયાના માધ્યમથી જાહેર થઈ ચૂક્યો છે. આ સમગ્ર વિવાદની શરૂઆત જિલ્લા કોંગ્રેસ સંગઠનની નવી યાદી જાહેર કરવાને લઈને થઈ છે, જેણે સ્થાનિક રાજકારણમાં ભારે ગરમાવો લાવી દીધો છે.</p> <p>પ્રાપ્ત વિગતો અનુસાર, ગુલાબસિંહ રાજપૂતે ગત તારીખ 11/09/2026 ના રોજ સોશિયલ મીડિયા પર બનાસકાંઠા જિલ્લા કોંગ્રેસ સમિતિના નવા હોદ્દેદારો અને કારોબારી સભ્યોની યાદી જાહેર કરી દીધી હતી. જોકે, આ યાદી પ્રદેશ કોંગ્રેસની પૂર્વમંજૂરી વિના જ બહાર પાડવામાં આવી હોવાનું સામે આવ્યું છે. જાહેર કરાયેલી યાદી પર પ્રદેશ કાર્યાલયનો સિક્કો કે તારીખનો પણ ઉલ્લેખ ન હતો. આ યાદીમાં ગુલાબસિંહે પોતાની મનમાની ચલાવીને 'વહાલા-દવલા'ની નીતિ અપનાવી હોવાના અને પોતાના અંગત માણસોને જ હોદ્દાઓ લહાણી કર્યા હોવાના ગંભીર આક્ષેપો થયા હતા. પક્ષના અનેક સિનિયર અને નિષ્ઠાવાન આગેવાનોની ઘોર અવગણના થતાં આ મામલો સીધો પ્રદેશ કોંગ્રેસ સમિતિ અને નવા પ્રભારી સમક્ષ પહોંચ્યો હતો.</p> <p>કાર્યકરોની વ્યાપક રજૂઆતો અને નારાજગીને ધ્યાનમાં લઈને, પ્રદેશ પ્રમુખ અમિત ચાવડાએ તાત્કાલિક અસરથી આ જાહેર થયેલું જિલ્લા સંગઠન સ્થગિત કરી દીધું હતું અને કારોબારીની યાદી રદબાતલ ઠેરવી હતી. પ્રદેશમાંથી પડેલા આ સીધા ફટકાથી નારાજ થયેલા ગુલાબસિંહ રાજપૂતે સોશિયલ મીડિયા પર પોતાનો રોષ ઠાલવ્યો છે.</p> <p>પ્રદેશ પ્રમુખનો નિર્ણય આવતા જ ગુલાબસિંહ રાજપૂતે બનાસકાંઠાના સાંસદ ગેનીબેન ઠાકોર સાથેનો પોતાનો એક ફોટો પોસ્ટ કરીને એક માર્મિક લખાણ લખ્યું છે. તેમણે કોઈનું પણ સીધું નામ લીધા વિના અમિત ચાવડા પર આકરો શાબ્દિક હુમલો કરતા જણાવ્યું છે કે, "તમારી લડાઈ અમારી સાથે ન હોવી જોઈએ. લોકોના પ્રશ્નો અને જનહિતના મુદ્દે આ લડાઈ ભાજપ સરકાર સામે હોવી જોઈએ." આ સાથે જ તેમણે ઉમેર્યું હતું કે, "ભગવાન દ્વારકાધીશ સૌને શક્તિ અને સદબુદ્ધિ આપે."</p> <p><iframe style="border: none; overflow: hidden;" src="https://ift.tt/cf7JnKv" width="500" height="634" frameborder="0" scrolling="no" allowfullscreen="allowfullscreen"></iframe></p> <p>આ પોસ્ટ બાદ બનાસકાંઠા કોંગ્રેસના રાજકારણમાં અનેક તર્ક-વિતર્કો શરૂ થયા છે. એક તરફ જિલ્લા પ્રમુખે સંગઠન જાહેર કરીને પોતાની તાકાત બતાવવાનો પ્રયાસ કર્યો, તો બીજી તરફ પ્રદેશ નેતાગિરીએ તેને રદ કરીને કડક સંદેશ આપ્યો છે. હાલ તો બનાસકાંઠા જિલ્લા કોંગ્રેસમાં ભારે ઉકળતો ચરુ જોવા મળી રહ્યો છે અને આગામી દિવસોમાં આ વિવાદ કયું નવું સ્વરૂપ લેશે તેના પર સૌની નજર મંડાયેલી છે.</p> <p><strong>FAQ </strong></p> <p><strong>પ્રશ્ન 1: બનાસકાંઠા કોંગ્રેસમાં તાજેતરમાં કયો વિવાદ સર્જાયો છે?</strong></p> <p>જવાબ: જિલ્લા પ્રમુખ ગુલાબસિંહ રાજપૂતે પ્રદેશ પ્રમુખની મંજૂરી વિના નવી કારોબારી જાહેર કરી હતી, જેને અમિત ચાવડાએ તાત્કાલિક અસરથી રદ કરતા બંને નેતાઓ વચ્ચે વિવાદ સર્જાયો છે.</p> <p><strong>પ્રશ્ન 2: પ્રદેશ કોંગ્રેસે ગુલાબસિંહ રાજપૂતની યાદી શા માટે રદ કરી?</strong></p> <p>જવાબ: યાદીમાં સિનિયર કાર્યકરોની અવગણના, પક્ષના સિક્કા કે તારીખનો અભાવ અને વહાલા-દવલાની નીતિના ગંભીર આક્ષેપોને પગલે હાઈકમાન્ડે આ યાદી રદ કરી છે.</p> <p><strong>પ્રશ્ન 3: યાદી રદ થયા બાદ ગુલાબસિંહે શું પ્રતિક્રિયા આપી?</strong></p> <p>જવાબ: ગુલાબસિંહે સાંસદ ગેનીબેન ઠાકોર સાથે ફોટો પોસ્ટ કરી નામ લીધા વિના કટાક્ષ કર્યો કે પક્ષના નેતાઓની લડાઈ ભાજપ સરકાર સામે હોવી જોઈએ, પોતાના જ કાર્યકરો સામે નહીં.</p> <p><iframe title="ABP Asmita | Gujarat Weather Update | Headlines Today | Gujarat Politics | Gujarat Breaking News" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p>