Gujarat Rain: સાંજે 4 વાગ્યા સુધી રાજ્યમાં ગાજવીજ સાથે ભારે વરસાદની આગાહી, 3 જિલ્લામાં ઓરેન્જ એલર્ટ

<p><strong>Gujarat Rain:  </strong>ગુજરાતમાં વરસાદને લઈને હવામાન વિભાગે નાઉકાસ્ટ જાહેર કર્યું છે. આગાહી મુજબ, આજે સાંજે 4 વાગ્યા સુધી રાજ્યના વિવિધ વિસ્તારોમાં ગાજવીજ સાથે વરસાદ વરસી શકે છે. રાજકોટ, બોટાદ અને અમરેલી જિલ્લામાં ભારે વરસાદનું ઓરેન્જ એલર્ટ આપવામાં આવ્યું છે.  જ્યારે 23 જિલ્લામાં છૂટાછવાયા સ્થળોએ વરસાદનું યલો એલર્ટ જાહેર કરવામાં આવ્યું છે.</p> <p><iframe title="YouTube video player" src="https://www.youtube.com/embed/dLKYujgl3Dw?si=elJHuAQVu0cfPQpF" width="560" height="315" frameborder="0" allowfullscreen="allowfullscreen"></iframe></p> <p><strong>ત્રણ જિલ્લામાં ભારે વરસાદનું ઓરેન્જ એલર્ટ</strong></p> <p>હવામાન વિભાગના નાઉકાસ્ટ મુજબ, સાંજે 4 વાગ્યા સુધી રાજકોટ, બોટાદ અને અમરેલી જિલ્લામાં ભારે વરસાદની શક્યતા છે. આ જિલ્લાઓમાં ઓરેન્જ એલર્ટ જાહેર કરવામાં આવ્યું છે. વરસાદ દરમિયાન ગાજવીજ સાથે પવન ફૂંકાવાની પણ શક્યતા હોવાથી લોકોને સાવચેતી રાખવાની સલાહ આપવામાં આવે છે.</p> <p><strong>23 જિલ્લામાં વરસાદનું યલો એલર્ટ</strong></p> <p>રાજ્યના વિવિધ વિસ્તારોમાં મધ્યમથી હળવો વરસાદ વરસી શકે છે. હવામાન વિભાગે અનેક જિલ્લાઓમાં છૂટાછવાયા સ્થળોએ વરસાદનું યલો એલર્ટ જાહેર કર્યું છે. આ જિલ્લાઓમાં  ગીર સોમનાથ, ભાવનગર અને જૂનાગઢ, પોરબંદર, સુરેન્દ્રનગર, અમદાવાદ, સાબરકાંઠા, ગાંધીનગર,  ખેડા, અરવલ્લી, મહિસાગર, આણંદ, વડોદરા, પંચમહાલ, દાહોદ, છોટાઉદેપુર, નર્મદા, ભરૂચ, સુરત, તાપી, ડાંગ, નવસારી, વલસાડનો સમાવેશ થાય છે. </p> <p><strong>સૌરાષ્ટ્રથી દક્ષિણ ગુજરાત સુધી વરસાદની આગાહી</strong></p> <p>હવામાન વિભાગની આગાહી મુજબ, સૌરાષ્ટ્રના અનેક વિસ્તારોમાં વરસાદી માહોલ જોવા મળી શકે છે. ગીર સોમનાથ, ભાવનગર, જૂનાગઢ, પોરબંદર અને સુરેન્દ્રનગરમાં મધ્યમ વરસાદની શક્યતા છે. આ ઉપરાંત અમદાવાદ સહિત ઉત્તર ગુજરાત અને મધ્ય ગુજરાતના કેટલાક વિસ્તારોમાં પણ વરસાદ વરસી શકે છે. દક્ષિણ ગુજરાતમાં નર્મદા, ભરૂચ, સુરત, તાપી, ડાંગ, નવસારી અને વલસાડ જિલ્લામાં વરસાદનું યલો એલર્ટ છે. અહીં કેટલાક સ્થળોએ ગાજવીજ સાથે વરસાદ થવાની શક્યતા છે.</p> <p>આ પણ વાંચો- <a title="Rain Alert: ગુજરાત સહિત 21 રાજ્યોમાં આજે વાવાઝોડા સાથે ભારે વરસાદનું એલર્ટ, IMD અપડેટ" href="https://ift.tt/tuiQpEe" target="_self">Rain Alert: ગુજરાત સહિત 21 રાજ્યોમાં આજે વાવાઝોડા સાથે ભારે વરસાદનું એલર્ટ, IMD અપડેટ</a>  </p> <p><strong>સંઘપ્રદેશોમાં પણ યલો એલર્ટ</strong></p> <p>ગુજરાત સાથે સંકળાયેલા સંઘપ્રદેશ દીવ, દમણ અને દાદરાનગર હવેલીમાં પણ સાંજે 4 વાગ્યા સુધી વરસાદનું યલો એલર્ટ જાહેર કરવામાં આવ્યું છે. આ વિસ્તારોમાં છૂટાછવાયા સ્થળોએ વરસાદ વરસી શકે છે. વરસાદની આગાહીને ધ્યાનમાં રાખીને લોકોને જરૂરી સાવચેતી રાખવાની સલાહ આપવામાં આવે છે. </p> <p>હવામાન વિભાગની વરસાદની આગાહી વચ્ચે અમરેલી અને ગીર સોમનાથ જિલ્લામાં સવારથી જ વરસાદ વરસી રહ્યો છે. સૌરાષ્ટ્રના અનેક જિલ્લાઓમાં વરસાદી માહોલ જામ્યો છે.  </p>