Gujarat Rain: વેસ્ટર્ન ડિસ્ટર્બન્સ સક્રિય, ગુજરાતમાં 7 દિવસ વરસાદની આગાહી, જાણો ક્યાં પડશે

<p><strong>Rain in Gujarat:</strong> રાજ્યમાં ચોમાસાની વિદાયની શરૂઆત થઈ ગઈ છે. કચ્છ અને ઉત્તર ગુજરાતના કેટલાક ભાગોમાંથી ચોમાસું વિદાય લેતું જોવા મળી રહ્યું છે. બીજી તરફ રાજ્યમાં આગામી 7 દિવસ દરમિયાન સામાન્ય વરસાદની આગાહી કરવામાં આવી છે. વેસ્ટર્ન ડિસ્ટર્બન્સ સક્રિય થતાં રાજ્યના કેટલાક વિસ્તારોમાં વરસાદી માહોલ જોવા મળી શકે છે.</p> <p><iframe title="YouTube video player" src="https://www.youtube.com/embed/dLKYujgl3Dw?si=YWI-sdJDgH8Dy2Y8" width="560" height="315" frameborder="0" allowfullscreen="allowfullscreen"></iframe></p> <p><strong>કચ્છ અને ઉત્તર ગુજરાતમાંથી ચોમાસાની વિદાય</strong></p> <p>હવામાન વિભાગના જણાવ્યા મુજબ કચ્છ અને ઉત્તર ગુજરાતના કેટલાક ભાગોમાંથી ચોમાસાની વિદાયની શરૂઆત થઈ છે. ચોમાસાની વિદાય સાથે આગામી દિવસોમાં વરસાદની ગતિવિધિમાં પણ ધીમે ધીમે ઘટાડો થવાની શક્યતા છે. આ સ્થિતિ ખાસ કરીને ખેડૂતો માટે મહત્વપૂર્ણ બની રહેશે.</p> <p><strong>આગામી 7 દિવસ સામાન્ય વરસાદની આગાહી</strong></p> <p>રાજ્યમાં આગામી 7 દિવસ દરમિયાન સામાન્ય વરસાદની આગાહી કરવામાં આવી છે. વેસ્ટર્ન ડિસ્ટર્બન્સ સક્રિય થતાં ગુજરાતના કેટલાક વિસ્તારોમાં હળવાથી સામાન્ય વરસાદના ઝાપટા પડી શકે છે. જોકે મોટા પાયે ભારે વરસાદની શક્યતા હાલ ઓછી છે. અમદાવાદ શહેર અને આસપાસના વિસ્તારોમાં પણ આગામી દિવસોમાં છૂટાછવાયા વરસાદની શક્યતા વ્યક્ત કરવામાં આવી છે. વાદળછાયા વાતાવરણ વચ્ચે કેટલાક વિસ્તારોમાં હળવા વરસાદના ઝાપટા પડી શકે છે.</p> <p><strong>સિઝનમાં હજુ 8 ટકા વરસાદની ઘટ</strong></p> <p>ગુજરાતમાં ચોમાસાની વિદાયની શરૂઆત થઈ હોવા છતાં સિઝનનો કુલ વરસાદ સામાન્ય કરતાં હજુ 8 ટકા ઓછો છે. જેના કારણે રાજ્યના કેટલાક વિસ્તારોમાં વરસાદની ઘટ જોવા મળી રહી છે. હવે ચોમાસાના બાકીના દિવસોમાં થનારો વરસાદ ખેડૂતો અને ખેતી માટે મહત્વનો બની રહેશે.</p> <p>રાજ્યમાં આ સિઝનમાં અત્યાર સુધી સરેરાશ 89 ટકા વરસાદ નોંધાયો છે. છતાં રાજ્યમાં હજુ 8 ટકા વરસાદની ઘટ યથાવત છે. દક્ષિણ ગુજરાતમાં સૌથી વધુ 113 ટકા વરસાદ નોંધાયો છે, જ્યારે પૂર્વ-મધ્ય ગુજરાતમાં 89 ટકા વરસાદ થયો છે. ઉત્તર ગુજરાતમાં 71 ટકા અને સૌરાષ્ટ્રમાં 68 ટકા વરસાદ નોંધાયો છે.</p> <p>આ પણ વાંચો- <a title="IMD Weather Alert:  દેશના 2 રાજ્યોમાં અત્યંત ભારે વરસાદનું રેડ એલર્ટ, જાણો લેટેસ્ટ હવામાન અપડેટ" href="https://ift.tt/vYqztG2" target="_self">IMD Weather Alert:  દેશના 2 રાજ્યોમાં અત્યંત ભારે વરસાદનું રેડ એલર્ટ, જાણો લેટેસ્ટ હવામાન અપડેટ</a></p> <p><strong>છેલ્લા 24 કલાકમાં દેશનના અનેક રાજ્યોમાં મુશળધાર વરસાદ નોંધાયો</strong></p> <p>હવામાન વિભાગના જણાવ્યા અનુસાર, છેલ્લા 24 કલાકમાં દેશભરના ઘણા રાજ્યોમાં ભારેથી અતિ ભારે વરસાદ પડ્યો છે. દરિયાકાંઠાના આંધ્રપ્રદેશમાં 21 સેમી કે તેથી વધુ ભારે વરસાદ નોંધાયો છે. આંદામાન અને નિકોબાર ટાપુઓ, ઓડિશા, ઝારખંડ, દરિયાકાંઠાના અને દક્ષિણ આંતરિક કર્ણાટક અને તેલંગાણામાં ખૂબ જ ભારે વરસાદ (12 થી 20 સેમી) પડ્યો છે. વધુમાં, ગંગા પશ્ચિમ બંગાળ, સિક્કિમ, છત્તીસગઢ, બિહાર અને ગોવામાં ભારે વરસાદ નોંધાયો છે. </p>