Vibrant Gujarat: 'ગુજરાત સરકાર ટી20 નહીં, ટેસ્ટ મેચ રમે છે', આનંદ મહિન્દ્રાની પ્રશંસાત્મક પૉસ્ટ

<p><strong>Vibrant Gujarat Summit:</strong> વાઈબ્રન્ટ ગુજરાત ગ્લોબલ સમિટના સંદર્ભમાં મુંબઈ ખાતે યોજાયેલી એક વિશેષ બેઠક દરમિયાન ગુજરાતના મુખ્યમંત્રી ભૂપેન્દ્ર પટેલે દેશના અગ્રણી ઉદ્યોગપતિઓ સાથે મુલાકાત કરી હતી, જેમાં ઉદ્યોગપતિ આનંદ મહિન્દ્રા સાથેની તેમની ચર્ચા રાજ્યમાં લાંબા ગાળાના આર્થિક વિકાસ અને રોકાણોની નવી તકો ઊભી કરવાના હેતુથી અત્યંત ફળદાયી અને મહત્વપૂર્ણ સાબિત થઈ હતી.</p> <p><iframe title="ABP Asmita | Ahmedabad Rath Yatra 2026 LIVE Update | Gujarat Monsoon | Gujarat Politics | LIVE" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p>આ બેઠક બાદ પ્રસિદ્ધ ઉદ્યોગપતિ આનંદ મહિન્દ્રાએ સોશિયલ મીડિયા પર એક વિશેષ પોસ્ટ શેર કરીને ગુજરાત સરકારની કામગીરી અને દ્રષ્ટિકોણની મુક્ત મને પ્રશંસા કરી હતી. તેમણે લખ્યું કે મુખ્યમંત્રી ભૂપેન્દ્ર પટેલના નેતૃત્વ હેઠળની સરકાર ટી20 ક્રિકેટ મેચની જેમ ટૂંકા ગાળાના લાભ મેળવવાના બદલે ટેસ્ટ મેચની જેમ લાંબા ગાળાના ટકાઉ વિકાસ પર ધ્યાન કેન્દ્રિત કરી રહી છે. તેમણે વધુમાં જણાવ્યું હતું કે આ નીતિના કારણે રાજ્યના આર્થિક વિકાસની ગતિ ધીમી પડવાનો કોઈ જ પ્રશ્ન કે ઈરાદો ઊભો થતો નથી, પરંતુ તેનાથી સ્થિર અને મજબૂત આર્થિક પાયો તૈયાર થઈ રહ્યો છે.</p> <p>આ મુલાકાત અને આનંદ મહિન્દ્રાના હકારાત્મક પ્રતિભાવથી વૈશ્વિક ઉદ્યોગજગતમાં ગુજરાત પ્રત્યેનો વિશ્વાસ વધુ મજબૂત બન્યો છે. વાઈબ્રન્ટ ગુજરાત સમિટ દ્વારા આવનારા સમયમાં રાજ્યમાં મોટા પાયે વિદેશી અને સ્થાનિક મૂડીરોકાણ આવવાની શક્યતાઓ વધી ગઈ છે, જે ગુજરાતના ઇન્ડસ્ટ્રીયલ વિકાસને એક નવી ઊંચાઈ પર લઈ જશે.</p> <p>                                                                                                                                                                                                                                                                           </p>