Rain: માવઠાની આગાહી, આગામી 2 કલાકમાં ભારે પવન સાથે આ વિસ્તારોમાં પડશે કમોસમી વરસાદ

<p><strong>Gujarat Weather:</strong> ગુજરાતમાં ઠેક ઠેકાણે માવઠાએ વિનાશ વેર્યો છે. રાજ્યમાં છેલ્લા બે દિવસથી અચાનક મિની વાવાઝોડૂ અને કમોસમી વરસાદ પડતાં ખેડૂતોની સાથે સાથે સામાન્ય લોકોને પણ નુકસાની પહોંચી છે. ખેડૂતોને પાક પલળ્યો છે, તો વળી, ક્યાંક હૉર્ડિંગ્સ, બેનર અને ઝાડ પડી જતાં સામાન્ય લોકો પણ મુશ્કેલીમાં મુકાયા છે. હવે આ બધાની વચ્ચે ગુજરાતમાં આગામી 2 કલાકમાં વરસાદની નવી આગાહીનું અપડેટ સામે આવ્યુ છે.&nbsp;</p> <p>ગુજરાતમાં છેલ્લા બે દિવસથી ભારે પવન ફૂંકાઇ રહ્યો છે, સાથે સાથે મિની વાવાઝોડૂ અને માવઠાથી નુકસાની પણ થઇ છે. જોકે, આ સિલસિલ હજુ પણ યથાવત રહેવાનો છે. હવામાન વિભાગના તાજા અપડેટ પ્રમાણે, રાજ્યમાં આગામી 2 કલાકમાં કેટલાક સ્થળે વરસાદની આગાહી કરવામાં આવી છે. આગાહી પ્રમાણે, ગુજરાતમાં ખાસ કરીને દક્ષિણ ગુજરાતમાં, તાપી, ડાંગમાં આગામી 2 કલાકમાં હળવા વરસાદની આગાહી છે, આ ઉપરાંતત વલસાડ, દમણ, દાદરાનગર હવેલીમાં પણ આગામી 2 કલાકમાં વરસાદની આગાહી છે. આ દરમિયાન 40 કિમી પ્રતિ કલાકની ઝડપે પવન ફૂંકાશે. રાજ્યમાં આવતી કાલ સુધી ઠેક ઠેકાણે માવઠુ થવાની શક્યતા છે. આજે 20 થી વધુ જિલ્લામાં કમોસમી વરસાદ ખાબકી શકે છે. હવામાન વિભાગે આજ અને આવતીકાલ માટે ક્યાંક ઓરેન્જ તો ક્યાંક યલો એલર્ટ આપીને લોકોને ચેતવ્યા છે.&nbsp;</p> <p>હવામાન વિભાગના લેટેસ્ટ અપડેટ પ્રમાણે, આજે રાજ્યમાં કેટલાક સ્થળો પર ભારે પવનો ફૂંકાશે, હવામાન વિભાગના નાઉકાસ્ટ પ્રમાણે, કચ્છ, મોરબી, સુરેન્દ્રનગર, બનાસકાંઠામાં કમોસમી વરસાદની આગાહી કરવામાં આવી છે. આ ઉપરાંત પાટણ, મહેસાણા, અમદાવાદ, ગાંધીનગર, સાબરકાંઠા અને અરવલ્લી, મહીસાગર, પંચમહાલ, દાહોદ અને ખેડામાં વરસાદનું યેલો એલર્ટ છે.&nbsp;</p> <p><strong>રાજ્યભરના વાતાવરણમાં પલટો, ભારે પવન સાથે ઉડી ધૂળની ડમરી, હોર્ડિંગ પતરા ઉડ્યાં</strong><br />હવામાન વિભાગની વાતાવરણમાં પલટાની આગાહી વચ્ચે આજે &nbsp;કચ્છમાં ભારે &nbsp;પવન સાથે &nbsp;વરસાદી ઝાપટા આવ્યાં હતા. &nbsp;નખત્રાણા, ભુજ, માનકુવા અને માધાપર સહિતના વિસ્તારમાં ભારે પવન સાથે વરસાદ વરસ્યો હતો. પૂર્વ કચ્છમાં પણ &nbsp;તેજ પવન ફૂંકાયો હતો. ભચાઉ, રાપર, ગાંધીધામ અને ખેંગારપરમાં પણ વરસાદ વરસ્યો હતો. પાટણમાં સવારથી મોસમનો મિજાજ બદલ્યો હતો. &nbsp;ભારે પવન સાથે ધૂળભરી આંધી આવી હતી. પાટણ શહેરમાં ધીમીધારે વરસાદ વરસતા &nbsp;સલામતીના ભાગરૂપે કેટલાક વિસ્તારમાં UGVCL તરફથી વીજ પુરવઠો બંધ કરી દેવા.ો હતો જેના કારણે વહેલી સવાર અંધારપટ્ટની સ્થિતિ સર્જાઇ હતી.&nbsp;</p>