ઉત્તર ગુજરાતમાં મેઘરાજાની તોફાની બેટિંગ: ભિલોડામાં 2 કલાકમાં 3 ઈંચ તો અમીરગઢ-પાટણમાં ધોધમાર વરસાદ, દિયોદરમાં ખેતરો બેટમાં ફેરવાયા

<p style="text-align: justify;" data-path-to-node="1"><strong>North Gujarat Heavy Rain:</strong> ઉત્તર ગુજરાતના જિલ્લાઓમાં મેઘરાજાએ તોફાની બેટિંગ શરૂ કરી દીધી છે. અરવલ્લી, બનાસકાંઠા અને પાટણ જિલ્લામાં મોડી રાતથી વહેલી સવાર સુધી વિજળીના કડાકા-ભડાકા અને ભારે પવન સાથે મુસળધાર વરસાદ વરસ્યો છે. કેટલીક જગ્યાએ નદીઓમાં નવા નીર આવ્યા છે, તો બીજી તરફ ભાભર અને દિયોદરમાં ખેતરો જળબંબાકાર થતાં ખેડૂતોનો પાક નિષ્ફળ જવાની ભીતિ સેવાઈ રહી છે.</p> <p style="text-align: justify;" data-path-to-node="1"> </p> <p><iframe title="Israel Iran War LIVE | Sthanik Swaraj Election | Gujarat Politics | Breaking News | ABP Asmita LIVE" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p style="text-align: justify;" data-path-to-node="2"><strong data-path-to-node="2" data-index-in-node="0">અરવલ્લીના ભિલોડા અને શામળાજીમાં તોફાની વરસાદ, ઈન્દ્રાશી નદીમાં નવા નીર:</strong></p> <p style="text-align: justify;" data-path-to-node="2">અરવલ્લી જિલ્લામાં રાત્રિ દરમિયાન મેઘરાજાએ તાંડવ મચાવ્યું હતું. ભિલોડામાં માત્ર 2 કલાકના ગાળામાં ભારે પવન અને વીજળીના કડાકા-ભડાકા સાથે 3 ઈંચ વરસાદ ખાબક્યો હતો, જ્યારે શામળાજી પંથકમાં પણ 2 ઈંચ જેટલો વરસાદ નોંધાયો છે. ભારે વરસાદના કારણે નીચાણવાળા વિસ્તારોમાં પાણી ભરાઈ ગયા હતા. ભિલોડાની પ્રખ્યાત ઈન્દ્રાશી નદીમાં નવા નીરની આવક થતાં સ્થાનિક ખેડૂતોમાં આનંદની લહેર ફરી વળી છે. હવામાન વિભાગ દ્વારા આજે અરવલ્લી જિલ્લામાં અત્યંત ભારે વરસાદનું 'રેડ એલર્ટ' આપવામાં આવ્યું છે.</p> <p style="text-align: justify;" data-path-to-node="2"><a title="આ પણ વાંચો... અંબાલાલ પટેલની મોટી આગાહી: આગામી 48 કલાક આ વિસ્તાર માટે ભારે, 20 ઈંચ વરસાદની આશંકા" href="https://ift.tt/tj2mSlc" target="_self">આ પણ વાંચો... અંબાલાલ પટેલની મોટી આગાહી: આગામી 48 કલાક આ વિસ્તાર માટે ભારે, 20 ઈંચ વરસાદની આશંકા</a></p> <p style="text-align: justify;" data-path-to-node="3"><strong data-path-to-node="3" data-index-in-node="0">બનાસકાંઠાના અમીરગઢમાં ધીમીધારે વરસાદથી રસ્તાઓ પર પાણી ફરી વળ્યા:</strong></p> <p style="text-align: justify;" data-path-to-node="3">બનાસકાંઠા જિલ્લાના અમીરગઢ પંથકમાં સતત 3 દિવસથી ધીમીધારે વરસાદ વરસી રહ્યો છે, જ્યાં 3 દિવસમાં કુલ 3 ઈંચ જેટલો વરસાદ નોંધાયો છે. અમીરગઢ, વિરપુર, ઈકબાલગઢ સહિતના ગ્રામ્ય વિસ્તારોમાં મોડી રાત્રે પડેલા વરસાદથી રસ્તાઓ પર પાણીની નદીઓ વહેતી જોવા મળી હતી. આ વરસાદથી વાતાવરણમાં ગુલાબી ઠંડક પ્રસરી ગઈ છે. જોકે, બનાસ નદી, સ્થાનિક તળાવો અને નાળાઓમાં હજુ સુધી નોંધપાત્ર પાણીની આવક થઈ નથી. જેના કારણે ખેતી માટે પૂરતું પાણી ન મળતાં ખેડૂતોમાં ચિંતાનો માહોલ પણ યથાવત છે.</p> <p style="text-align: justify;" data-path-to-node="4"><strong data-path-to-node="4" data-index-in-node="0">પાટણ શહેર અને ગ્રામ્ય વિસ્તારોમાં વરસાદી માહોલ:</strong></p> <p style="text-align: justify;" data-path-to-node="4">પાટણ જિલ્લામાં પણ વહેલી સવારથી જ વાદળછાયું વાતાવરણ અને વરસાદી માહોલ છે. ગઈકાલે રાત્રે પાટણ શહેરમાં ખાબકેલા ધોધમાર વરસાદને લીધે નીચાણવાળા વિસ્તારો પાણીમાં ગરકાવ થયા હતા. આજે સવારથી પાટણના ગ્રામ્ય વિસ્તારો જેવા કે રૂની, કુણઘેર, કમલીવાડા અને માતરવાડીમાં ધીમીધારે અનરાધાર વરસાદ શરૂ થયો છે. હવામાન વિભાગે આજે પાટણ જિલ્લા માટે પણ વરસાદનું 'રેડ એલર્ટ' જાહેર કર્યું છે.</p> <p style="text-align: justify;" data-path-to-node="5"><strong data-path-to-node="5" data-index-in-node="0">ભાભર-દિયોદરમાં ખેતરો બન્યા બેટ</strong></p> <p style="text-align: justify;" data-path-to-node="5">વાવ-થરાદ, ભાભર અને દિયોદર પંથકમાં મોડી રાત્રે પડેલા મુસળધાર વરસાદે ખેડૂતોની કમર ભાંગી નાખી છે. ભાભરના ખારા અને મીઠા ગામના ખેતરો સંપૂર્ણપણે બેટમાં ફેરવાઈ ગયા છે. 3 થી 4 કિલોમીટર સુધી ખેતરોમાં ઘૂંટણસમા પાણી ભરાઈ જતાં મગફળી, જુવાર અને ઘાસચારાનો વાવેતર કરેલો પાક પાણીમાં ડૂબી ગયો છે. ખાતર, બિયારણ અને ડીઝલનો ભારે ખર્ચ માથે પડતાં ખેડૂતોની ચિંતામાં મોટો વધારો થયો છે. પીડિત ખેડૂતો હવે સરકાર તાત્કાલિક પાક નુકસાનીનો સર્વે કરાવી આર્થિક સહાય પૂરી પાડે તેવી ગુહાર લગાવી રહ્યા છે.</p>