Ambalal Patel: 5 સિસ્ટમના કારણે આ તારીખ બાદ વરસાદ ભૂક્કા બોલાવશે, અંબાલાલ પટેલની અતિભારે વરસાદની આગાહી

<p><strong>Gujarat rain forecast:</strong> હવામાન આગાહીકાર અંબાલાલ પટેલે ગુજરાતમાં આગામી દિવસોમાં વરસાદને લઈને મહત્વપૂર્ણ આગાહી વ્યક્ત કરી છે. તેમના જણાવ્યા મુજબ રાજ્યમાં સક્રિય બનેલી પાંચ વરસાદી સિસ્ટમોના કારણે આગામી 48 કલાક દરમિયાન અનેક વિસ્તારોમાં વરસાદી ઝાપટાં પડી શકે છે. જ્યારે 30 જુલાઈથી 3 ઓગસ્ટ દરમિયાન વરસાદી સિસ્ટમ વધુ મજબૂત બનતાં રાજ્યના અનેક વિસ્તારોમાં ભારેથી અતિ ભારે વરસાદ વરસવાની સંભાવના છે.</p> <p><iframe title="YouTube video player" src="https://www.youtube.com/embed/dLKYujgl3Dw?si=TaQ_WXek4j2eR0of" width="560" height="315" frameborder="0" allowfullscreen="allowfullscreen"></iframe></p> <p><strong>આગામી 48 કલાકમાં અનેક વિસ્તારોમાં વરસાદી ઝાપટાં</strong></p> <p>હવામાન આગાહીકાર અંબાલાલ પટેલના જણાવ્યા મુજબ આગામી 48 કલાક દરમિયાન દક્ષિણ ગુજરાત, મધ્ય ગુજરાત, ઉત્તર ગુજરાત તેમજ સૌરાષ્ટ્રના વિવિધ વિસ્તારોમાં વરસાદી ઝાપટાં પડવાની શક્યતા છે. કેટલાક સ્થળોએ ગાજવીજ સાથે વરસાદ પણ નોંધાઈ શકે છે. રાજ્ય પર એકસાથે 5  વરસાદી સિસ્ટમોની અસર જોવા મળી રહી હોવાનું જણાવતા અંબાલાલ પટેલે કહ્યું કે તેના કારણે વરસાદની તીવ્રતામાં વધારો થઈ શકે છે. ખાસ કરીને 30 જુલાઈથી 3 ઓગસ્ટ વચ્ચે સિસ્ટમ વધુ મજબૂત બનતાં રાજ્યના અનેક જિલ્લાઓમાં ભારે વરસાદની સ્થિતિ સર્જાઈ શકે છે.</p> <p><strong>રાજ્યમાં 3થી 20 ઈંચ સુધી વરસાદની સંભાવના</strong></p> <p>અંબાલાલ પટેલની આગાહી મુજબ મધ્ય ગુજરાત, ઉત્તર ગુજરાત, દક્ષિણ ગુજરાત અને સૌરાષ્ટ્રના વિવિધ વિસ્તારોમાં સારો વરસાદ થઈ શકે છે. કેટલાક વિસ્તારોમાં કુલ વરસાદનું પ્રમાણ 3થી 20 ઈંચ સુધી પહોંચી શકે તેવી શક્યતા વ્યક્ત કરવામાં આવી છે. અંબાલાલ પટેલના જણાવ્યા મુજબ દક્ષિણ ગુજરાતમાં ભારેથી અતિ ભારે વરસાદ પડી શકે છે. નદી-નાળાઓમાં પાણીની આવક વધવાની તેમજ નીચાણવાળા વિસ્તારોમાં પાણી ભરાવાની સ્થિતિ સર્જાઈ શકે છે. સૌરાષ્ટ્રના અનેક વિસ્તારોમાં પણ ભારે વરસાદની શક્યતા દર્શાવવામાં આવી છે.</p> <p><strong>8 ઓગસ્ટ આસપાસ બંગાળના ઉપસાગરમાં નવી સિસ્ટમ બનવાની શક્યતા</strong></p> <p>અંબાલાલની  આગાહી મુજબ 8 ઓગસ્ટની આસપાસ બંગાળના ઉપસાગરમાં વધુ એક વરસાદી સિસ્ટમ સર્જાઈ શકે છે. આ સિસ્ટમ સક્રિય બન્યા બાદ ગુજરાતમાં ફરી વરસાદી માહોલ મજબૂત બનવાની સંભાવના છે. અંબાલાલ પટેલના જણાવ્યા અનુસાર 5થી 14 ઓગસ્ટ દરમિયાન દક્ષિણ ગુજરાતમાં ભારેથી અતિ ભારે વરસાદની શક્યતા છે. આ સમયગાળા દરમિયાન રાજ્યના અન્ય વિસ્તારોમાં પણ સારા વરસાદની સંભાવના વ્યક્ત કરવામાં આવી છે.</p> <p><strong>સમગ્ર ઓગસ્ટ દરમિયાન વરસાદી માહોલ યથાવત રહેવાની શક્યતા</strong></p> <p>અંબાલાલ પટેલના અનુમાન મુજબ સમગ્ર ઓગસ્ટ માસ દરમિયાન ગુજરાતમાં વરસાદી માહોલ યથાવત રહી શકે છે અને સમયાંતરે ભારે વરસાદના રાઉન્ડ જોવા મળી શકે છે. જોકે હવામાન સંબંધિત પરિસ્થિતિમાં સમયાંતરે ફેરફાર શક્ય હોવાથી નાગરિકોએ સત્તાવાર હવામાન વિભાગ દ્વારા જાહેર કરવામાં આવતી આગાહી અને સૂચનાઓ પર પણ નજર રાખવી જરૂરી છે. </p>