અમદાવાદમાં કર્ણાવતી ક્લબ પાછળ દીપડાની ચર્ચા અફવા સાબિત, વન વિભાગે શ્વાન હોવાની પુષ્ટિ કરી

<p>અમદાવાદના કર્ણાવતી ક્લબ અને મોહમ્મદપુરા વિસ્તાર પાસે દીપડો દેખાયાની સોશિયલ મીડિયા પર વાયરલ થયેલી ચર્ચા આખરે અફવા સાબિત થઈ છે. બે દિવસ સુધી વન વિભાગે ફૂટપ્રિન્ટ, સીસીટીવી અને સ્થળ તપાસ કર્યા બાદ સ્પષ્ટ કર્યું છે કે જે પ્રાણી જોવા મળ્યું હતું તે દીપડો નહીં પરંતુ શ્વાન હતું. વિભાગે લોકોને અફવાઓથી દૂર રહેવા અને ખોટા મેસેજ વાયરલ ન કરવાની અપીલ કરી છે.</p> <p><iframe title="YouTube video player" src="https://www.youtube.com/embed/dLKYujgl3Dw?si=-P2Po9lTtaiDDLAJ" width="560" height="315" frameborder="0" allowfullscreen="allowfullscreen"></iframe></p> <p> </p> <p>અમદાવાદ શહેરમાં છેલ્લા કેટલાક દિવસથી કર્ણાવતી ક્લબ પાછળ અને એસપી રિંગ રોડ નજીક દીપડો દેખાયાની ચર્ચાએ લોકોમાં ભયનો માહોલ સર્જ્યો હતો. જોકે વન વિભાગની બે દિવસીય તપાસ બાદ આ સમગ્ર મામલો માત્ર અફવા હોવાનું સામે આવ્યું છે.</p> <p>વન વિભાગના અધિકારીઓએ જણાવ્યું કે કર્ણાવતી ક્લબથી એસપી રિંગ રોડ તરફના વિસ્તારમાં તેમજ મોહમ્મદપુરા ગામની પાછળથી મળેલા ફૂટપ્રિન્ટ અને અન્ય પુરાવાઓની તપાસ કરવામાં આવી હતી. તપાસમાં સ્પષ્ટ થયું કે આ પગલાં દીપડાના નહીં પરંતુ શ્વાનના હતા.</p> <p><strong>આ પણ વાંચો: <a title="Gujarat Weather Forecast:રાજ્યમાં 31 જુલાઈ ભારે વરસાદની આગાહી, આ જિલ્લામાં એલર્ટ જાહેર" href="https://ift.tt/K3BfEDk" target="_self">Gujarat Weather Forecast:રાજ્યમાં 31 જુલાઈ ભારે વરસાદની આગાહી, આ જિલ્લામાં એલર્ટ જાહેર</a></strong></p> <p>મોહમ્મદપુરા ગામ પાછળ એક કાફેના કર્મચારીએ દીપડો દેખાયો હોવાનો દાવો કર્યો હતો. આ દાવાના આધારે વન વિભાગે તકેદારીના ભાગરૂપે પાંજરા ગોઠવ્યા અને સતત બે દિવસ સુધી સ્થળ પર નજર રાખી હતી. આસપાસના વિસ્તારોના સીસીટીવી ફૂટેજ પણ તપાસવામાં આવ્યા હતા, પરંતુ ક્યાંય દીપડાની હાજરીના કોઈ પુરાવા મળ્યા નથી.</p> <p>વન વિભાગના જણાવ્યા મુજબ છેલ્લા કેટલાક દિવસોમાં શહેરના ચાર અલગ-અલગ સ્થળે દીપડો જોવા મળ્યાના મેસેજ સોશિયલ મીડિયામાં વાયરલ થયા હતા. જોકે તપાસ દરમિયાન માત્ર એક જ સ્થળે અગાઉ દીપડાની હાજરીની પુષ્ટિ થઈ હતી, જ્યારે બાકીના ત્રણ સ્થળોએ દીપડો હોવાના કોઈ પુરાવા મળ્યા નથી.</p> <p>વન વિભાગે નાગરિકોને અપીલ કરી છે કે સોશિયલ મીડિયા પર કોઈપણ અપ્રમાણિત માહિતી કે વીડિયો શેર કરતા પહેલાં તેની ખરાઈ કરો. ખોટા મેસેજના કારણે લોકોમાં બિનજરૂરી ગભરાટ ફેલાય છે. કોઈ જંગલી પ્રાણી દેખાય તો તરત જ વન વિભાગને જાણ કરવાની અને અફવાઓથી દૂર રહેવાની પણ અપીલ કરવામાં આવી.                                                         </p>