Gujarat Rain: ગુજરાતમાં 24 કલાકમાં 255 તાલુકામાં ધોધમાર વરસાદ, અમદાવાદમાં 12 ઈંચ વરસાદથી જળબંબાકાર

<p>Gujarat Rain: ગુજરાતમાં છેલ્લા 24 કલાક દરમિયાન મેઘરાજાએ તોફાની બેટિંગ કરી છે. રાજ્યના 255 તાલુકામાં નોંધપાત્ર વરસાદ વરસતા અનેક શહેરો અને ગામોમાં જળબંબાકારની સ્થિતિ સર્જાઈ છે. સૌથી વધુ 19.96 ઈંચ વરસાદ ખેડાના મહેમદાબાદમાં નોંધાયો છે. બીજી તરફ અમદાવાદ શહેરમાં સરેરાશ 12 ઈંચથી વધુ વરસાદ પડતાં જનજીવન અસ્તવ્યસ્ત બન્યું હતું. ભારે વરસાદને પગલે વાસણા બેરેજના 22 દરવાજા ખોલીને સાબરમતી નદીમાં પાણી છોડવામાં આવ્યું છે, જ્યારે મોડીરાત્રે વરસાદનું જોર ઘટતા શહેરના તમામ અંડરપાસ ફરી વાહન વ્યવહાર માટે ખુલ્લા મુકવામાં આવ્યા છે.</p> <p><iframe title="YouTube video player" src="https://www.youtube.com/embed/eEXAETANmD8?si=JrKlQ7bf0jcpSHLh" width="560" height="315" frameborder="0" allowfullscreen="allowfullscreen"></iframe></p> <p><strong>અમદાવાદમાં વરસાદે તોડ્યા તમામ રેકોર્ડ</strong></p> <p>અમદાવાદમાં છેલ્લા 24 કલાક દરમિયાન સરેરાશ 12 ઈંચથી વધુ વરસાદ નોંધાયો છે. શહેરના અનેક વિસ્તારોમાં રસ્તાઓ નદીમાં ફેરવાઈ ગયા હતા અને અનેક નીચાણવાળા વિસ્તારોમાં પાણી ભરાતા લોકોને ભારે હાલાકીનો સામનો કરવો પડ્યો હતો. ઝોન પ્રમાણે વરસાદની વાત કરીએ તો દક્ષિણ પશ્ચિમ ઝોનમાં સૌથી વધુ 22.80 ઈંચ, ઉત્તર પશ્ચિમ ઝોનમાં 20.76 ઈંચ, પશ્ચિમ ઝોનમાં 17.32 ઈંચ, મધ્ય ઝોનમાં 16.06 ઈંચ અને પૂર્વ ઝોનમાં 10.28 ઈંચ વરસાદ નોંધાયો છે.</p> <p><strong>વાસણા બેરેજના 22 દરવાજા ખોલાયા</strong></p> <p>અમદાવાદમાં ભારે વરસાદને પગલે સાબરમતી નદીમાં પાણીની આવક વધી હતી. જેના કારણે વાસણા બેરેજના 22 દરવાજા ખોલીને નદીમાં પાણી છોડવામાં આવ્યું છે. નદીના કિનારાના વિસ્તારોમાં રહેતા લોકોને સાવચેત રહેવા માટે તંત્ર દ્વારા સૂચના આપવામાં આવી છે.</p> <p><strong>રાજ્યના 255 તાલુકામાં વરસાદ, મહેમદાબાદ ટોપ પર</strong></p> <p>છેલ્લા 24 કલાક દરમિયાન રાજ્યના 255 તાલુકામાં વરસાદ નોંધાયો છે. સૌથી વધુ 19.96 ઈંચ વરસાદ ખેડાના મહેમદાબાદમાં નોંધાયો છે. ત્યારબાદ અમદાવાદના ધોળકામાં 18.62 ઈંચ, નવસારીના ચીખલીમાં 17.76 ઈંચ, નવસારીના ખેરગામમાં 17.09 ઈંચ, વલસાડના ઉમરગામમાં 17.09 ઈંચ અને સુરતના ઉમરપાડામાં 17.05 ઈંચ વરસાદ નોંધાયો છે. ખેડાના માતરમાં 16.22 ઈંચ, ખેડા તાલુકામાં 14.72 ઈંચ, અમદાવાદના વિરમગામમાં 14.61 ઈંચ, નવસારીના વાંસદામાં 14.57 ઈંચ અને ડાંગના વઘઈમાં 14.45 ઈંચ વરસાદ નોંધાયો છે. રાજ્યના અનેક તાલુકાઓમાં 10 ઈંચથી વધુ વરસાદ નોંધાતા નદીઓ અને જળાશયોમાં પાણીની આવકમાં નોંધપાત્ર વધારો થયો છે.</p> <p>છેલ્લા 24 કલાક દરમિયાન ગણદેવીમાં 13.07 ઈંચ, નડિયાદમાં 12.91 ઈંચ, માંડલમાં 11.81 ઈંચ, પારડીમાં 11.73 ઈંચ, અમદાવાદ શહેર અને બાવળામાં 11.65-11.65 ઈંચ, વસોમાં 11.61 ઈંચ, દસક્રોઈમાં 11.57 ઈંચ, ડોલવણમાં 11.46 ઈંચ, સોજીત્રામાં 11.26 ઈંચ, નેત્રંગમાં 11.18 ઈંચ, નાનાપોંઢામાં 10.79 ઈંચ, વલસાડ તાલુકામાં 10.71 ઈંચ, બહુચરાજીમાં 10.28 ઈંચ, અંબિકામાં 10.28 ઈંચ અને પેટલાદમાં 10.04 ઈંચ વરસાદ નોંધાયો છે.</p> <p><strong>અન્ય તાલુકાઓમાં પણ ભારે વરસાદ</strong></p> <p>રાજ્યના અનેક વિસ્તારોમાં 7થી 10 ઈંચ વચ્ચે વરસાદ નોંધાયો છે. જેમાં આણંદના તારાપુરમાં 9.76 ઈંચ, ધરમપુરમાં 9.69 ઈંચ, બોરસદમાં 9.61 ઈંચ, કપરાડામાં 9.21 ઈંચ, આણંદ તાલુકામાં 8.82 ઈંચ, ડાંગ તાલુકામાં 8.35 ઈંચ, સુબિરમાં 8.31 ઈંચ, વાપીમાં 8.07 ઈંચ, વ્યારામાં 7.84 ઈંચ, કડીમાં 7.52 ઈંચ, ઉકાઈમાં 7.13 ઈંચ, કામરેજમાં 7.09 ઈંચ, અમરેલીના કુકાવાવમાં 7.01 ઈંચ, નર્મદાના ડેડીયાપાડામાં 7 ઈંચ, અમદાવાદના દેત્રોજમાં 6.97 ઈંચ અને સુરેન્દ્રનગરના લખતરમાં 6.93 ઈંચ વરસાદ નોંધાયો છે.</p> <p><strong>જળાશયોમાં આવક વધતા તંત્ર એલર્ટ</strong></p> <p>રાજ્યભરમાં ભારે વરસાદને કારણે નદીઓ, ડેમો અને જળાશયોમાં પાણીની આવક સતત વધી રહી છે. નીચાણવાળા વિસ્તારોમાં પાણી ભરાવાની સ્થિતિને ધ્યાનમાં રાખીને સ્થાનિક તંત્ર એલર્ટ મોડ પર છે. હવામાન વિભાગે આગામી દિવસોમાં પણ રાજ્યના અનેક જિલ્લાઓમાં ભારે વરસાદની શક્યતા વ્યક્ત કરતાં નાગરિકોને જરૂરી સાવચેતી રાખવા અપીલ કરી છે.</p>