Gujarat Rain: કાલથી વરસાદ ભૂક્કા બોલાવશે, અમદાવાદ સહિત આ જિલ્લાઓમાં રેડ એલર્ટ જાહેર

<p><strong>Gujarat heavy rain alert:</strong> ગુજરાતમાં ફરી એકવાર વરસાદનું જોર વધવાની શક્યતા છે. હવામાન વિભાગે 30 અને 31 જુલાઈ તેમજ 1 ઓગસ્ટ દરમિયાન રાજ્યના અનેક જિલ્લાઓમાં ભારે વરસાદની આગાહી કરી છે. ચાર સક્રિય હવામાન પ્રણાલીઓના કારણે દક્ષિણ, મધ્ય અને ઉત્તર ગુજરાતના અનેક વિસ્તારોમાં ભારે વરસાદ વરસી શકે છે. અમદાવાદ સહિત અનેક જિલ્લાઓ માટે રેડ, ઓરેન્જ અને યલો એલર્ટ જાહેર કરવામાં આવ્યા છે.</p> <p><iframe title="YouTube video player" src="https://www.youtube.com/embed/dLKYujgl3Dw?si=cAhvLGtLKAl-hHCj" width="560" height="315" frameborder="0" allowfullscreen="allowfullscreen"></iframe></p> <p><strong>ચાર સક્રિય સિસ્ટમના કારણે વરસાદનું જોર વધશે</strong></p> <p>હવામાન વિભાગના જણાવ્યા મુજબ હાલમાં ડીપ ડિપ્રેશન, મોન્સૂન ટ્રફ, શિયર ઝોન અને વેસ્ટર્ન ડિસ્ટર્બન્સ એકસાથે સક્રિય હોવાથી ગુજરાતમાં વરસાદી માહોલ જામશે. તેના કારણે આગામી બે દિવસ રાજ્યના વિવિધ વિસ્તારોમાં ભારેથી અતિભારે વરસાદની સંભાવના વ્યક્ત કરવામાં આવી છે.</p> <p><strong>31 જુલાઈએ અમદાવાદ સહિત અનેક જિલ્લામાં રેડ એલર્ટ</strong></p> <p>31 જુલાઈના રોજ અમદાવાદ સહિત દક્ષિણ અને મધ્ય ગુજરાતના અનેક જિલ્લાઓમાં ભારે વરસાદની આગાહી સાથે રેડ એલર્ટ જાહેર કરવામાં આવ્યું છે.</p> <p><strong>ગુજરાતમાં ભારે વરસાદનું રેડ એલર્ટ ધરાવતા જિલ્લાઓ</strong></p> <ul> <li>અમદાવાદ</li> <li>આણંદ</li> <li>વડોદરા</li> <li>ભરૂચ</li> <li>નર્મદા</li> <li>સુરત</li> <li>તાપી</li> <li>ડાંગ</li> </ul> <p><strong>1 ઓગસ્ટે ઉત્તર ગુજરાતમાં ઓરેન્જ એલર્ટ</strong></p> <p>1 ઓગસ્ટના રોજ અમદાવાદ સહિત ઉત્તર ગુજરાતના અનેક વિસ્તારોમાં વરસાદનું જોર યથાવત રહેવાની શક્યતા છે. હવામાન વિભાગે ઉત્તર ગુજરાતના વિસ્તારો માટે ઓરેન્જ એલર્ટ જાહેર કર્યું છે.</p> <p><strong>ઓરેન્જ એલર્ટ ધરાવતા વિસ્તારો:</strong></p> <ul> <li>છોટાઉદેપુર</li> <li>નર્મદા</li> <li>સુરત</li> <li>તાપી</li> <li>ડાંગ</li> <li>નવસારી</li> <li>વલસાડ</li> <li>દમણ</li> <li>દાદરા અને નગર હવેલી</li> </ul> <p><strong>અનેક જિલ્લાઓમાં યલો એલર્ટ પણ જાહેર</strong></p> <p>30 જુલાઈએ ભરૂચ, વડોદરા, પંચમહાલ અને દાહોદમાં ભારે વરસાદની શક્યતા વચ્ચે યલો એલર્ટ જાહેર કરવામાં આવ્યું છે. આજે પણ મહિસાગર, પંચમહાલ, દાહોદ અને છોટાઉદેપુર જિલ્લામાં છૂટાછવાયા સ્થળોએ ભારે વરસાદની સંભાવના સાથે યલો એલર્ટ અમલમાં છે.</p> <p><strong>શુક્રવારે સૌરાષ્ટ્ર અને મધ્ય ગુજરાતમાં પણ વરસાદની શક્યતા</strong></p> <p>31 જુલાઈના રોજ સુરેન્દ્રનગર, રાજકોટ, બોટાદ, ભાવનગર, ગાંધીનગર, ખેડા, પંચમહાલ, દાહોદ, છોટાઉદેપુર, નવસારી અને વલસાડમાં ઓરેન્જ એલર્ટ જાહેર કરવામાં આવ્યું છે. તે ઉપરાંત દમણ અને દાદરા-નગર હવેલીમાં પણ ભારે વરસાદની સંભાવના વ્યક્ત કરવામાં આવી છે.  31  જુલાઈના રોજ કચ્છ, વાવ-થરાદ, પાટણ, બનાસકાંઠા, મહેસાણા, સાબરકાંઠા, અરવલ્લી, મહિસાગર, મોરબી તેમજ દ્વારકા, પોરબંદર, જૂનાગઢ, ગીર સોમનાથ અને દીવ જિલ્લામાં યલો એલર્ટ જાહેર કરવામાં આવ્યું છે.</p> <p><strong>રાજ્યમાં અત્યાર સુધી સરેરાશ કરતાં વધુ વરસાદ</strong></p> <p>હવામાન વિભાગના આંકડા મુજબ રાજ્યમાં જુલાઈ મહિનાના અંત સુધીમાં સામાન્ય કરતાં અંદાજે 5 ટકા વધુ વરસાદ નોંધાયો છે. અત્યાર સુધી રાજ્યમાં કુલ 372.1 મીમી એટલે કે સરેરાશ 14.88 ઈંચ વરસાદ વરસ્યો છે, જેના કારણે અનેક જળાશયોમાં પાણીની સારી આવક નોંધાઈ રહી છે.</p> <p><strong>લોકોને સાવચેત રહેવા અપીલ</strong></p> <p>હવામાન વિભાગે ભારે વરસાદની આગાહીને ધ્યાનમાં રાખીને નદી-નાળાઓ નજીક ન જવા, નીચાણવાળા વિસ્તારોમાં સાવચેતી રાખવા અને જરૂરી હોય ત્યારે જ મુસાફરી કરવા અપીલ કરી છે. સ્થાનિક પ્રશાસન દ્વારા પણ વરસાદની સ્થિતિ પર સતત નજર રાખવામાં આવી રહી છે.</p>