Leopard Attack: છોટાઉદેપુરના બોડેલીમાં દીપડાનો આતંક, ઘરઆંગણે રમતી 4 વર્ષની બાળકીને ફાડી ખાધી

<p><strong>Chhotaudepur Leopard Attack:</strong> છોટાઉદેપુર જિલ્લાના બોડેલી તાલુકા સ્થિત મોટા વાજપુર ગામે ઘર આંગણે રમતી 4 વર્ષીય માસૂમ બાળકી ભવ્યા પર અચાનક હિંસક દીપડાએ હુમલો કરી દીધો હતો. દીપડાના તીક્ષ્ણ પંજા અને બચકાંથી ગંભીર રીતે ઘવાયેલી બાળકીનું કરૂણ મોત નીપજતાં સમગ્ર પંથકમાં ભારે અરેરાટી, શોક અને ભયનો માહોલ વ્યાપી ગયો છે.</p> <p><iframe title="ABP Asmita | Ahmedabad Rath Yatra 2026 LIVE Update | Gujarat Monsoon | Gujarat Politics | LIVE" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p>મોટા વાજપુર ગામમાં સાંજના સમયે ભવ્યા નામની માસૂમ બાળકી પોતાના ઘરના આંગણામાં નિશ્ચિંત થઈને રમી રહી હતી. તે જ સમયે નજીકના ઝાડી-ઝાંકરામાંથી અચાનક ધસી આવેલા હિંસક દીપડાએ બાળકી પર તરાપ મારી હતી. દીપડો માસૂમ બાળકીને ગળાના ભાગેથી મોંમાં દબાવીને અંધારામાં ઝાડીઓ તરફ ખેંચી જવાનો પ્રયાસ કરવા લાગ્યો હતો. બાળકીની ચીસાચીસ અને બુમરાણ સાંભળીને પરિવારજનો તેમજ આસપાસના ગ્રામજનો તુરંત ઘટનાસ્થળે દોડી આવ્યા હતા. ગ્રામજનોએ એકઠા થઈને ભારે બૂમાબૂમ કરી દીપડાને ભગાડવાનો પ્રયાસ કર્યો હતો, જેથી દીપડો બાળકીને લોહીલુહાણ હાલતમાં છોડીને જંગલ તરફ ભાગી છૂટ્યો હતો. જોકે, ગળા અને શરીરના અન્ય ભાગોમાં ગંભીર ઈજાઓ પહોંચવાના કારણે 4 વર્ષીય ભવ્યાએ સ્થળ પર જ દમ તોડી દીધો હતો. આ કાળજું કંપાવી દે તેવી ઘટનાથી પરિવારજનો પર આભ તૂટી પડ્યું છે.</p> <p><strong><a title="Leopard Attack: છોટાઉદેપુરના બોડેલીમાં દીપડાનો આતંક, ઘરઆંગણે રમતી 4 વર્ષની બાળકીને ફાડી ખાધી" href="https://ift.tt/XlWyOI0" target="_self">Leopard Attack: છોટાઉદેપુરના બોડેલીમાં દીપડાનો આતંક, ઘરઆંગણે રમતી 4 વર્ષની બાળકીને ફાડી ખાધી</a></strong></p> <p>આ કરૂણ બનાવની જાણ થતાં જ વન વિભાગની ટીમ તુરંત મોટા વાજપુર ગામે દોડી આવી હતી. વન વિભાગ દ્વારા હુમલાખોર દીપડાને તાત્કાલિક પકડવા માટે વિસ્તારમાં જુદી જુદી જગ્યાએ પાંજરા ગોઠવવામાં આવ્યા છે તેમજ ટ્રેકર ટીમ દ્વારા સઘન સર્ચ ઓપરેશન હાથ ધરવામાં આવ્યું છે. સ્થાનિક રહીશોમાં આ ઘટનાને પગલે ભારે રોષ જોવા મળી રહ્યો છે અને તેમણે વન વિભાગ પાસે માંગ કરી છે કે દીપડાને વહેલી તકે પાંજરે પૂરવામાં આવે. તંત્ર દ્વારા ગ્રામજનોને રાત્રિના સમયે બિનજરૂરી બહાર ન નીકળવા અને નાના બાળકોનું ખાસ ધ્યાન રાખવા અપીલ કરવામાં આવી છે.</p> <p>                                                                                                        </p>