Bogus Funding: બૉગસ પોલિટિકલ ડૉનેશન કૌભાંડ, 23 રાજકીય પાર્ટીઓએ લીધું 4,000 કરોડનું દાન

<p><strong>Political Donation Scam:</strong> આવકવેરા વિભાગ દ્વારા હાથ ધરવામાં આવેલી તપાસ દરમિયાન બોગસ રાજકીય દાન આપવાના મસમોટા કૌભાંડનો પર્દાફાશ થયો છે. તાજેતરમાં સામે આવેલા આ કેસમાં 23 રાજકીય પાર્ટીઓએ અંદાજે 4,000 કરોડનું બોગસ દાન મેળવ્યું હોવાનું બહાર આવ્યું છે. આ મામલે આઠ રાજકીય પક્ષો સામે ગુનો નોંધવાની કાર્યવાહી ચાલી રહી છે, જ્યારે મોટી રકમનું દાન આપનારા કરદાતાઓ પણ હવે તપાસ હેઠળ આવી ગયા છે.</p> <p><iframe title="ABP Asmita | Ahmedabad Rath Yatra 2026 LIVE Update | Gujarat Monsoon | Gujarat Politics | LIVE" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p>આવકવેરા વિભાગની તપાસમાં ખુલાસો થયો છે કે કાળા નાણાંને સફેદ કરવા માટે બોગસ રાજકીય પાર્ટીઓના ખાતાનો દુરુપયોગ કરવામાં આવ્યો હતો. આ સમગ્ર રેકેટમાં ટેક્સ બચાવવા માટે મોટું દાન દર્શાવીને કમિશન ધોરણે નાણાંની હેરાફેરી કરવામાં આવતી હતી. સીઆઈડી (CID) ક્રાઈમની મધ્યસ્થતાથી ચાલી રહેલી તપાસમાં અનેક આંગડિયા પેઢીઓ પણ આવકવેરા વિભાગના રડારમાં આવી ગઈ છે, જેના માધ્યમથી નાણાકીય આદાન-પ્રદાન થતું હોવાની આશંકા છે. કાયદાકીય કડકાઈ સાથે એજન્સીઓ દ્વારા દાન આપનારા કરદાતાઓ અને શંકાસ્પદ આંગડિયા પેઢીઓના વ્યવહારોનું ઊંડું પૃથ્થકરણ કરવામાં આવી રહ્યું છે.</p> <p>આ કૌભાંડથી રાજકીય ક્ષેત્રે ફંડિંગની પારદર્શિતા સામે ગંભીર સવાલો ઊભા થયા છે. કડક કાનૂની કાર્યવાહી અને આવકવેરાના પગલાંથી ભવિષ્યમાં ટેક્સ ચોરી તથા બોગસ ફંડિંગના દૂષણ પર લગામ લાગશે અને નાણાકીય વ્યવસ્થા વધુ પારદર્શક બનશે.</p> <p>                                                                                                                                                                                                                                                                              </p>