જામનગરમાં BJP કોર્પોરેટરના પુત્રના ગોડાઉન પર પોલીસે પાડ્યો દરોડો, 19522 દારુની બોટલો જપ્ત

<p style="text-align: justify;"><strong>Jamnagar:</strong> જામનગર રાજકોટ હાઇવે પર આવેલી માનસી હોટલ પાછળથી પંચકોશી એ ડિવિઝન પોલીસે વિદેશી દારૂના કટિંગ વેળાએ જ દરોડો પાડીને ₹53.78 લાખથી વધુનો વિશાળ મુદ્દામાલ ઝડપી પાડ્યો છે. જે સ્થળ પરથી આ દારૂનું કટિંગ ઝડપાયું તે ગોડાઉન જામનગર મહાનગરપાલિકાના વોર્ડ નંબર 10ના ભાજપના કોર્પોરેટર મંજુબેન બાંભણિયાના પુત્ર હિતેશ ઉર્ફે વાંગો બાંભણિયાએ ભાડે રાખેલું હોવાનું સામે આવતા રાજકીય વર્તુળો અને ભાજપની છાવણીમાં ચર્ચાઓ શરૂ થઈ છે.</p> <p style="text-align: justify;"> </p> <p><iframe title="Israel Iran War LIVE | Sthanik Swaraj Election | Gujarat Politics | Breaking News | ABP Asmita LIVE" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p style="text-align: justify;">મળતી વિગતો અનુસાર, પંચકોશી એ ડિવિઝન પોલીસ ઇન્સ્પેક્ટર આઇ.એ. ઘાસુરા વિસ્તારમાં પેટ્રોલીંગમાં હતા તે દરમિયાન બાતમી મળી હતી કે, હિતેશ ઉર્ફે વાંગો નરશીભાઇ બાંભણિયા પોતાના કબ્જા ભોગવટાના ભાડાના ગોડાઉનમાં વિદેશી દારૂનો જથ્થો રાખીને કટિંગ અને હેરાફેરી કરી રહ્યો છે. આ ચોક્કસ બાતમીના આધારે પોલીસે દરોડો પાડ્યો હતો. દરોડા દરમિયાન સ્થળ પરથી ત્રણ વાહનો અને ડ્રાઇવર ધર્મેશભાઇ નવલભાઇ યાજ્ઞિકને પકડી પાડવામાં આવ્યો હતો.</p> <p style="text-align: justify;"><a title="આ પણ વાંચો...PM મોદી કાલથી બે દિવસના ગુજરાત પ્રવાસે, ભીલડીથી એકતાનગર સુધી જાણો સંપૂર્ણ કાર્યક્રમ?" href="https://ift.tt/V4XQU73" target="_self">આ પણ વાંચો...PM મોદી કાલથી બે દિવસના ગુજરાત પ્રવાસે, ભીલડીથી એકતાનગર સુધી જાણો સંપૂર્ણ કાર્યક્રમ?</a></p> <p style="text-align: justify;">પોલીસે ગોડાઉન તેમજ વાહનોમાંથી અલગ-અલગ બ્રાન્ડની વિદેશી દારૂની નાની-મોટી કુલ 19,522 બોટલો (કિંમત ₹40,68,517) તથા ત્રણ વાહનો અને મોબાઇલ ફોન (કિંમત ₹13,10,000) મળીને કુલ ₹53,78,517નો મુદ્દામાલ જપ્ત કર્યો છે.</p> <p style="text-align: justify;">ઝડપાયેલા આરોપી ધર્મેશ યાજ્ઞિકની કડક પૂછપરછ દરમિયાન જાણવા મળ્યું હતું કે, તેના મિત્ર હિતેશ ઉર્ફે વાંગો બાંભણિયાએ વેચાણ અર્થે બહારથી દારૂનો જથ્થો મગાવ્યો હતો અને અન્ય 9 ઇસમોને વેચાણ માટે આપ્યો હતો. પોલીસે કોર્પોરેટરના પુત્ર હિતેશ સહિત કુલ 10 લોકો સામે ગુનો નોંધી વધુ તપાસ હાથ ધરી છે. નોંધનીય છે કે, કોર્પોરેટરના પુત્ર સામે અગાઉ પણ દારૂ અંગેના ગુનાઓ નોંધાઈ ચૂક્યા છે.</p> <p><strong>પાટણ જિલ્લા પોલીસનું 'ઓપરેશન ક્લીન સ્વીપ'</strong><br />બે દિવસ પહેલા પાટણમાં પણ કરવામાં આવી છે કાર્યાવહી. પાટણ જિલ્લા પોલીસ દ્વારા બુટલેગરો સામે પણ કડક કાર્યવાહી યથાવત રાખવામાં આવી છે. વહેલી સવારે 6 વાગ્યે ખાનગી બાતમીદારોથી મળેલી બાતમીના આધારે પોલીસે માસ્ટર પ્લાન તૈયાર કરી પાટણ તાલુકાના ધારપુર, બોરસણ અને શંખારી ગામોમાં આવેલ દેશી દારૂના અડ્ડાઓ પર દરોડા પાડ્યા હતા. પોલીસની 5 અલગ-અલગ ટીમો દ્વારા સતત 2 કલાક સુધી ચાલેલા આ સઘન ઓપરેશન દરમિયાન દેશી દારૂના અડ્ડાઓને સંપૂર્ણપણે નેસ્તોનાબૂદ કરવામાં આવ્યા હતા.</p> <p>દરોડા દરમિયાન દારૂના અડ્ડા ચલાવતા આરોપીઓ સ્થળ પરથી ભાગી છૂટવામાં સફળ રહ્યા હતા, પરંતુ પોલીસની ટીમોએ તેમને ઝડપી પાડવા માટે ચક્રગતિમાન કર્યા છે. પાટણ જિલ્લા પોલીસ અધિક્ષકના જણાવ્યા અનુસાર, જિલ્લામાંથી દેશી દારૂના અડ્ડાઓનો ખાતમો બોલાવવા માટે આ 'ઓપરેશન ક્લીન સ્વીપ' આગામી લાંબા સમય સુધી સતત ચાલુ રાખવામાં આવશે.</p>