ઓપરેશન ગંગાજળની ઝપેટમાં વધુ બે ઉચ્ચ અધિકારીઓ, સરકારે સમય પહેલા જ કરી દીધા નિવૃત

<p style="text-align: justify;"><strong>Gandhinagar:</strong> રાજ્ય સરકાર દ્વારા ભ્રષ્ટાચાર અને ગેરરીતિ સામે શરૂ કરવામાં આવેલા 'ઓપરેશન ગંગાજળ' હેઠળ વધુ બે ઉચ્ચ અધિકારીઓ સામે કડક કાર્યવાહી કરવામાં આવી છે. વર્ગ-1 ના આ બે અધિકારીઓ સામેની તપાસ પૂર્ણ થયા બાદ તેમના કાર્યકાળનો રિવ્યૂ કરીને સામાન્ય વહીવટ વિભાગ (GAD) દ્વારા સમય કરતાં પહેલાં જ નિવૃત્ત કરી દેવાયા છે. આ કાર્યવાહી અંતર્ગત એડિશનલ કલેક્ટર ડી.આઈ. ભગલાણી અને ગુજરાત સફાઈકામદાર નિગમના એમડી જે.એમ. તુવારને નિવૃત્ત કરવામાં આવ્યા છે. ઉલ્લેખનીય છે કે ઓપરેશન ગંગાજળ હેઠળ ગેરરીતિ કે ભ્રષ્ટાચારના આરોપો ધરાવતા અધિકારીઓ સામે સતત તપાસ કરીને કડક પગલાં લેવામાં આવી રહ્યા છે.   </p> <p style="text-align: justify;"> </p> <p><iframe title="Israel Iran War LIVE | Sthanik Swaraj Election | Gujarat Politics | Breaking News | ABP Asmita LIVE" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p style="text-align: justify;"><strong>આ પહેલા એક જ દિવસમાં 2 IAS અધિકારીઓને કરવામાં આવ્યા હતા ફરજિયાત નિવૃત</strong></p> <p style="text-align: justify;">તમને જણાવી દઈએ કે, ગુજરાત સરકારે 1 ઓક્ટોબરના રોજ 'ઓપરેશન ગંગાજળ' અંતર્ગત એક જ દિવસમાં બે IAS અધિકારીઓને ફરજિયાત નિવૃત કરી દેતા ભ્રષ્ટ અધિકારીઓમાં ફફડાટ ફેલાયો હતો. સુરેન્દ્રનગરના પૂર્વ કલેકટર કે. રાજેશ અને અધિક વિકાસ કમિશનર ગૌરવ દહીયાને રાજ્ય સરકારે વય નિવૃત થાય તે પહેલા જ નિવૃત કરી દીધા હતા.</p> <p style="text-align: justify;"><a title="આ પણ વાંચો... PM સૂર્ય ઘર યોજના: માત્ર ₹5400માં ઘરની છત પર લાગશે સોલાર સિસ્ટમ? જાણો કોને મળશે લાભ" href="https://ift.tt/UGWH1ty" target="_self">આ પણ વાંચો... PM સૂર્ય ઘર યોજના: માત્ર ₹5400માં ઘરની છત પર લાગશે સોલાર સિસ્ટમ? જાણો કોને મળશે લાભ</a></p> <p style="text-align: justify;">નોંધનિય છે કે, કે. રાજેશ ગુજરાત કેડરના 2011 બેચના IAS અધિકારી હતા અને મૂળ આંધ્રપ્રદેશના છે. તેમણે પોંડિચેરી સેન્ટ્રલ યુનિવર્સિટીમાંથી ઇલેક્ટ્રિકલ એન્ડ ઇલેક્ટ્રોનિક્સમાં B.Tech કર્યું હતું અને UPSC સિવિલ સર્વિસ પરીક્ષામાં 2010માં 103મો રેન્ક મેળવ્યો હતો. જૂનાગઢમાં આસિસ્ટન્ટ કલેક્ટર તરીકે કારકિર્દીની શરૂઆત બાદ સુરતમાં આસિસ્ટન્ટ કલેક્ટર અને જિલ્લા વિકાસ અધિકારી તરીકે પણ ફરજ બજાવી હતી. ત્યારબાદ તેઓ સુરેન્દ્રનગરના કલેક્ટર બન્યા હતા. કે. રાજેશને જુલાઈ 2022માં CBIએ ધરપકડ કર્યા બાદ રાજ્ય સરકારે સસ્પેન્ડ કર્યા હતા. </p> <p style="text-align: justify;">CBIની ચાર્જશીટ મુજબ તેમના પર સુરેન્દ્રનગર કલેક્ટર તરીકેના કાર્યકાળ દરમિયાન અયોગ્ય લોકોને હથિયાર લાઇસન્સ અપાવવા, સરકારી જમીનની ફાળવણી અને સરકારી જમીન પરના અતિક્રમણને નિયમિત કરવા બદલ કથિત લાંચ લેવાના આરોપો મૂકાયા હતા. CBIની તપાસમાં રૂ.98 હજારની કથિત લાંચ અને ભેટો અંગે પુરાવા મળ્યાનો દાવો કરવામાં આવ્યો હતો. CBI કેસ બાદ EDએ પણ કે. રાજેશ સામે મની લોન્ડરિંગની તપાસ શરૂ કરી હતી. ઓગસ્ટ 2022માં EDએ તેમને કસ્ટડીમાં લીધા હતા. EDએ તેમની અને પરિવારના સભ્યોની સંપત્તિ તથા નાણાકીય વ્યવહારોની તપાસ કરવાની જરૂરિયાત દર્શાવી હતી. ઓક્ટોબર 2022માં EDએ કે. રાજેશ અને સહઆરોપી રફીક મેમણ સામે PMLA કોર્ટમાં પ્રોસિક્યુશન ફરિયાદ પણ દાખલ કરી હતી.</p>