આજે મહેસૂલ કર્મચારીઓ માસ CL પર, 7 ઓક્ટોબરથી રાજ્યવ્યાપી અચોક્કસ મુદતની હડતાળનું એલાન

<p style="text-align: justify;"><strong>Revenue Employees:</strong> વકીલોની સાથોસાથ રાજ્યના મહેસૂલ કર્મચારીઓએ પણ 14 જેટલા પડતર પ્રશ્નો ન ઉકેલાતા સરકાર સામે મોરચો માંડ્યો છે. મહેસૂલ કર્મચારી મહામંડળ દ્વારા આંદોલનની જાહેરાત કરવામાં આવી છે, જેના ભાગરૂપે આજે કર્મચારીઓએ માસ સીએલ (Mass CL) રાખી વિરોધ નોંધાવ્યો છે. કલેક્ટરો દ્વારા કર્મચારીઓને સર્વિસ બ્રેકની ચીમકી આપવામાં આવી હોવા છતાં તેની કોઈ અસર જોવા મળી નથી. આ સાથે જ કર્મચારીઓએ આગામી 7 ઓક્ટોબરથી રાજ્યવ્યાપી અચોક્કસ મુદતની હડતાળ પર ઉતરવાનું એલાન પણ કરી દીધું છે.</p> <p><iframe title="Israel Iran War LIVE | Sthanik Swaraj Election | Gujarat Politics | Breaking News | ABP Asmita LIVE" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p style="text-align: justify;"> </p> <p style="text-align: justify;">રાજ્યના મહેસૂલ વિભાગના કર્મચારીઓ અને સરકાર હવે બરોબરના સામ સામે આવી ગયા છે. એક પણ પક્ષ બાંધછોડ કરવા તૈયાર નથી. બઢતી-બદલી, જોબ ચાર્ટ સહિતના 14થી વધુ પડતર પ્રશ્નોએ લાંબા સમયથી વારંવાર રજૂઆત છતાં કોઈ ઉકેલ ન આવતા હવે મહેસૂલ કર્મચારી મહામંડળે આંદોલનનું શસ્ત્ર ઉગામ્યું છે. આજે મહેસૂલ કર્મચારીઓ માસ સીએલ પર જવાની ચીમકી આપી છે. એટલું જ નહીં જો સરકાર હજુ પણ નમતુ નહીં જોખે તો 7 ઓક્ટોબરથી રાજ્ય વ્યાપી અચોક્કસ મુદતની હડતાળ પર જવાનું એલાન કર્યું છે.</p> <p style="text-align: justify;"><a title="આ પણ વાંચો...માતર-તારાપુર હાઈવે પર ભયાનક અકસ્માત: ઈકો અને રિક્ષાની ટક્કરમાં 3નાં મોત, 4 ગંભીર" href="https://ift.tt/BeYmRLI" target="_self">આ પણ વાંચો...માતર-તારાપુર હાઈવે પર ભયાનક અકસ્માત: ઈકો અને રિક્ષાની ટક્કરમાં 3નાં મોત, 4 ગંભીર</a></p> <p style="text-align: justify;">મહેસૂલી કર્મચારી મહામંડળનો દાવો છે કે નાયબ કલેકટર, રેવન્યૂ તલાટી અને કારકૂનના પડતર પ્રશ્નોએ એક જ વર્ષમાં સરકારને 38 વખત લેખિત તેમજ મૌખિક રજૂઆતો કરી પરંતું હજુ સુધી કોઈ નિરાકરણ આવ્યું નથી. નિરાકરણ તો દૂર પરંતું સરકાર તરફથી રજૂઆતોને પણ ગંભીરતાથી લેવામાં આવી નથી. મહેસૂલ કર્મચારીઓના આંદોલન સામે સરકાર પણ ઝૂકવા તૈયાર નથી. મહેસૂલ વિભાગે માસ સીએલના એલાનની ગંભીર નોંધ લઈ તમામ જિલ્લા કલેકટરને તાકિદની સૂચના આપી કે સોમવારે તમામ મહેસૂલી કર્મચારીઓ ફરજ પર નિયમિત હાજર રહે તે સુનિશ્ચિત કરે.  જિલ્લા કલેકટરે માસ સીએલ પર જનારા કર્મચારીઓ સામે સર્વિસ બ્રેક અને શિસ્તભંગ હેઠળ કાર્યવાહી કરવાની ચીમકી આપી. જોકે કલેકટરની ચીમકી છતાં મહેસૂલી કર્મચારીઓ પર તેની કોઈ અસર વર્તાઈ નથી. આજે માસ સીએલ પર જવા મહેસૂલ કર્મચારીઓ અડગ છે. મહેસૂલ કર્મચારીઓએ કહ્યું કે અગાઉથી રજા રિપોર્ટ કરી દેવાયો છે. મહેસૂલ કર્મચારીઓની માસ સીએલથી રાજ્યભરની મામલતદાર કચેરીઓ,કલેકટર કચેરીઓ અને ડિઝાસ્ટર મેનેજમેન્ટ સહિત મહેસૂલી કામગીરી ખોરવાઈ જવાની શક્યતાઓ છે.              </p>