Gujarat: સરકારી કર્મચારીઓનો સરકાર સામે મોરચો, ફિક્સ પગાર પ્રથા સહિતની 20 માગણીઓ મુદ્દે 15 દિવસનું અલ્ટીમેટમ

<p><strong>Gujarat Government Employees:</strong> ગુજરાતમાં સરકારી કર્મચારીઓએ પોતાના પડતર પ્રશ્નોના ઉકેલ માટે સરકાર સામે મોરચો માંડીને 15 દિવસનું અલ્ટીમેટમ આપતાં રાજકારણ અને પ્રશાસનમાં ભારે ગરમાવો વ્યાપી ગયો છે. ફિક્સ પગાર પ્રથા બંધ કરવી, ખાલી જગ્યાઓ ભરવી, કામનું ભારણ ઘટાડવું તથા 50 વર્ષની વય બાદ ખાતાકીય પરીક્ષામાંથી મુક્તિ આપવી જેવી 20 મુખ્ય માગણીઓ સાથે કર્મચારીઓએ માંગ પૂરી ન થાય તો રાજ્યવ્યાપી આંદોલન કરવાની ચીમકી આપી છે.</p> <p><iframe title="ABP Asmita | Ahmedabad Rath Yatra 2026 LIVE Update | Gujarat Monsoon | Gujarat Politics | LIVE" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p>રાજ્યના સરકારી કર્મચારી મંડળો દ્વારા લાંબા સમયથી ઉકેલાયા વગરના પડતર પ્રશ્નો અંગે સરકાર સમક્ષ આક્રોશ વ્યક્ત કરવામાં આવ્યો છે. કર્મચારીઓની સૌથી મુખ્ય માગણી વર્ષોથી ચાલી આવતી ફિક્સ પગાર પ્રથા નાબૂદ કરવાની છે, જે કર્મચારીઓના આર્થિક શોષણનું કારણ બને છે. આ ઉપરાંત, વિવિધ વિભાગોમાં વર્ષોથી ખાલી પડેલી જગ્યાઓ તાત્કાલિક ભરીને હયાત કર્મચારીઓ પરનું વધારાનું કામનું ભારણ ઘટાડવાની માગ કરાઈ છે. ૫૦ વર્ષથી વધુ વય ધરાવતા વરિષ્ઠ કર્મચારીઓને પદોન્નતિ માટે જરૂરી ખાતાકીય પરીક્ષામાંથી મુક્તિ આપવા સહિત કુલ ૨૦ મુદ્દાઓનું આવેદનપત્ર સરકારને સુપ્રત કરવામાં આવ્યું છે. કર્મચારીઓએ સ્પષ્ટ કર્યું છે કે જો ૧૫ દિવસના સમયગાળામાં યોગ્ય અને સંતોષકારક નિર્ણય લેવામાં નહીં આવે તો સમગ્ર રાજ્યમાં અસહકાર અને આંદોલનનું શસ્ત્ર ઉગામવામાં આવશે.</p> <p>સરકાર અને કર્મચારીઓ વચ્ચે ઊભી થયેલી આ ઘર્ષણની સ્થિતિ જો વહેલી તકે નહીં સુલઝાવવામાં આવે તો સરકારી સેવાઓ અને વહીવટી કામગીરી ખોરવાઈ જવાની ભીતિ છે. આગામી દિવસોમાં સરકાર મધ્યસ્થી કરીને ઉકેલ લાવે છે કે કર્મચારીઓ રસ્તા પર ઉતરે છે તેના પર સૌની નજર રહેશે.</p> <p>                                                                                                                                                                                                  </p>