Rajkot: રાજકોટ દારુ પાર્ટીમાં મોટો ખુલાસો, અમદાવાદની અભિનેત્રી સહિત મોટા ઉદ્યોગપતિઓ હતા સામેલ

<p style="text-align: justify;"><strong>Rajkot News:</strong> રાજકોટની જાણીતી ફાઈવ સ્ટાર 'સરાઝા' હોટલમાં યોજાયેલી હાઈપ્રોફાઈલ દારૂ પાર્ટી પર પોલીસે દરોડો પાડીને મોટા પાયે કાર્યવાહી હાથ ધરી છે. રાજકોટ અને મોરબીના અગ્રણી ઉદ્યોગપતિઓ, વેપારીઓ અને નબીરાઓની આ મહેફિલમાં પોલીસના ત્રાટકવાથી સમગ્ર વિસ્તારમાં ભારે ખળભળાટ મચી ગયો છે.</p> <p><iframe title="YouTube video player" src="https://www.youtube.com/embed/VQ-TCWKh-Gg?si=TNVoqqdrkn-x5E2j" width="560" height="315" frameborder="0" allowfullscreen="allowfullscreen"></iframe></p> <p style="text-align: justify;"> </p> <p style="text-align: justify;">પોલીસે ઘટનાસ્થળેથી બ્રેથ એનાલાઈઝર ટેસ્ટના આધારે તાત્કાલિક 38 વ્યક્તિઓ સામે રાજકોટ તાલુકા પોલીસ સ્ટેશનમાં ગુનો દાખલ કર્યો છે. આ ઉપરાંત, પાર્ટીમાં હાજર 92થી વધુ લોકોના બ્લડ સેમ્પલ લઈને આગળની કાયદેસરની તપાસ અર્થે મોકલી આપવામાં આવ્યા છે.</p> <p style="text-align: justify;"><a title="આ પણ વાંચો...Gujarat Weather: અંબાલાલ પટેલની મોટી આગાહી, દિવાળીથી દેવ દેવાળી સુધી રહેશે વરસાદી માહોલ" href="https://ift.tt/BbzdKZl" target="_self">આ પણ વાંચો...Gujarat Weather: અંબાલાલ પટેલની મોટી આગાહી, દિવાળીથી દેવ દેવાળી સુધી રહેશે વરસાદી માહોલ</a></p> <p style="text-align: justify;"><strong>મોટા માથાઓ અને જાણીતી હસ્તીઓની હાજરીથી ખળભળાટ</strong><br />તપાસ દરમિયાન હોટલ પરિસરમાંથી દેશી-વિદેશી દારૂના જથ્થા સાથે મોંઘીદાટ ગાડીઓ પણ જપ્ત કરવામાં આવી છે. જેમાં વરમોરા ગ્રુપના નામે રજિસ્ટર્ડ થયેલી ફોર્ચ્યુનર કાર (GJ-36-AP-5834) પણ મળી આવી છે. પાર્ટીના મહેમાનોની યાદીમાં મનીષ વરમોરા અને મીરા વરમોરાના નામ સામે આવતા મોરબી-રાજકોટના ઉદ્યોગજગતમાં ચર્ચાનો વિષય બન્યો છે. આ સિવાય રાજકોટના જાણીતા બિલ્ડર ધીરુભાઈ રોકડના પુત્ર ચેતન રોકડ તેમજ અમદાવાદની એક મહિલા એક્ટર સહિત અનેક ધનવાન પરિવારો અને જાણીતા ચહેરાઓ આ પાર્ટીમાં હાજર હોવાનું સામે આવ્યું છે.</p> <p><strong>હોટલના પાર્કિંગમાં 50થી વધુ લક્ઝરી કાર</strong></p> <p>સરાઝા હોટલના પાર્કિંગમાં 50થી વધુ લક્ઝરી કાર જોવા મળી હતી. જેમાં ડેકોરા ગ્રુપની બે વોલ્વો કાર પણ પાર્કિંગમાં હોવાનું સામે આવ્યું હતું. આ બંને કારના નંબર GJ03 LG 5222 અને GJ03 QG 5222 છે. પાર્ટીમાં શહેરના નામાંકિત બિલ્ડરો અને ઉદ્યોગપતિઓના પરિવારજનો હાજર હોવાની ચર્ચા છે.</p> <p style="text-align: justify;"><strong>મીડિયાને જોઈ નબીરાના સગા-સંબંધીઓ ભાગ્યા, જામીન માટે દોડધામ</strong><br />દરોડાની બાતમી મળતા જ તાલુકા પોલીસ સ્ટેશન બહાર નબીરાઓના સગા-સંબંધીઓની ભારે ભીડ જામી હતી. જામીન અપાવવા માટે લોકો પોતાની ગાડીઓની આર.સી. બુક (RC Book) લઈને દોડી આવ્યા હતા. જોકે, પોલીસ સ્ટેશને મીડિયાના કેમેરા જોઈને અનેક નબીરાના સગાઓ મોં છુપાવીને ભાગતા નજરે પડ્યા હતા.</p> <p style="text-align: justify;">જામીન માટે આર.સી. બુક લઈને પહોંચેલા હિતેશભાઈ પટેલ નામના શખ્સે જણાવ્યું હતું કે, "મને ડ્રાઈવરે ફોન કરીને કહ્યું એટલે હું આર.સી. બુક લઈને આવ્યો છું. મને ખુદને ખબર નથી કે હું કોના જામીન કરાવવા માટે આવ્યો છું."</p> <p style="text-align: justify;">રાજકોટ તાલુકા પોલીસે હાલ તમામ 38 આરોપીઓ સામે પ્રોહિબિશન એક્ટ હેઠળ ગુનો નોંધી, બ્લડ સેમ્પલના રિપોર્ટના આધારે આગળની વધુ કડક કાર્યવાહી હાથ ધરી છે.</p>